Í dag fór björgunarfélagið í útkall nærri Hveragerði, en þar hafði svifdrekakona orðið fyrir hnjaski, Við fórum á staðinn en Hjálparsveit Skáta Hveragerði var þegar komin á vettvang og sá Hjálparsveitin um að búa um svifdrekakonuna sem var svo flutt með þyrlu til Reykjavíkur.

Björgunarfélagið var með kassaklifur á hátíðarsvæði skátana í dag. Skátaranir stóðu fyrir heilmikilli skemmtun í dag og vorum við á staðnum með kassaklifur fyrir krakka á öllum aldri.

Í dag fór bátaflokkurinn í siglingu á ölfusá. Með í för voru nýliðar þ.e.a.s nýliðar í sveitinni en það er hluti af nýliðaþjálfun sveitarinnar að sigla. Það var góð mæting og  gekk allt vel. Farið var yfir notkun á kastlínum, hvernig fólk eigi að haga sér í straumvatni og hvernig eigi að bjarga fólki sem fallið hefur í straumvatn. Það sem bar hæst á æfingunni í dag er þó það að Buni virkaði eins og nýr eftir að hafa veriðí slipp í smá tíma, en sérlegur varaformaður bátaflokks náði með ævintýralegum hætti að drekkja greyinu um daginn.

 Hin árlega ferð tækjaflokks var farin Föstudaginn langa. 

Farið var upp á Mýrdalsjökul hjá Sólheimajökli, keyrt yfir jökulinn og komið niður hjá Mælifelli. Þaðan var farið inn í Strút og borðað nesti og hlegið hátt. Gerð var tilraun til að fara inn að Strútslaug en eftir þriggja tíma tilraun var ákveðið að fresta því að fara í laugina. Þá var leiðinni haldið inn í Hvanngil. Við Hrútagil var hins vegar náð í spotta og spil voruð hituð upp þar sem þrír bílar fóru ofan í krapa og snjóbíll einnig en allt reddaðist það nú. Þegar komið var inn í Hvanngil var grillað og tankað á bílana. Hópurinn skipti sér þar og gestir ferðarinnar fóru niður hjá Fljótshlíð en okkar bílar fóru sömu leið heim. Skyggnið hefði mátt vera betra og meiri kuldi en mesti hiti sem mældist var 9°C. Ferðin heppnaðist þó vel í alla staði og fóru allir sælir heim eftir góðan dag á fjöllum :o)